धक्कादायक – सर्वसामान्यांचे नेतृत्व हरपले ; सामाजिक नेते चरणदादा भडंगे यांचे निधन
धक्कादायक – सर्वसामान्यांचे नेतृत्व हरपले ; सामाजिक नेते चरणदादा भडंगे यांचे निधन
सांगोला तालुक्यातून एक धक्कादायक बातमी समोर येत आहे होलार समाजाचे धडाडीचे निर्भीड नेतृत्व कै.चरणदादा भडंगे यांचे आज सकाळी १० च्या आसपास अल्पशा आजाराने निधन झाले आहे .त्यांच्या निधनाची बातमी वाऱ्यावर सारखी पसरल्यानंतर सांगोला तालुक्यासह संपूर्ण सोलापूर जिल्ह्यावर शोककळा पसरली आहे .आज सांयकाळी चार वाजता सांगोला शहरातील स्मशानभूमी अंत्यविधी करण्यात येणार असल्याची माहिती नातेवाईकांनी दिली आहे .त्यांच्या पश्चात आई – वडील ,भाऊ -बहिण असा मोठा परिवार आहे होलार समाज पुरोगामी सामाजिक संघटनेचे अध्यक्ष व बहुआयामी नेते चरणदादा भडंगे यांच्या निधनाने सांगोला तालुक्याचे सर्वसामान्यांचे नेतृत्व हरपल्याची भावना सर्वत्र व्यक्त होताना दिसून येत आहे सांगोला तालुक्याचे भूमिपुत्र असलेल्या चरणदादा भडंगे यांनी आपल्या कार्याचा ठसा सोलापूर जिल्ह्यातच नव्हे तर राज्यातच उमटवला होता दिनदुबळ्या वंचित समाजाला एकत्र करून समाज हितासाठी कार्य करणाऱ्या मध्ये होते समाजाच्या विविध प्रश्नांना वाचा फोडून ते मार्गी लावण्याचा शेवटपर्यंत प्रयत्न त्यांनी केला. अनेक उपेक्षित कामगारांना जवळ करत त्यांनी त्यांचे प्रश्न सोडवण्याचा प्रयत्न केला. उपेक्षित समाजाला एकत्रित आणण्याचे त्यांचे कार्य महत्त्वाचे ठरले. कोणताही सामान्यातला सामान्य कार्यकर्ता त्यांच्याकडे गेला, तरी ते त्याला जवळ करत. 
आपुलकीने प्रश्न समजावून घेत आपल्या पद्धतीने प्रश्न सोडवण्याचा प्रयत्न करत होते. त्यांनी कधीही कोणाला निराश केले नाही. प्रत्येकजण राजकीय क्षेत्रात आपापला गड राखण्याचा प्रयत्न करीत असतात मात्र चरणदादा ने निस्वार्थीपणे समाज सेवा केली होती .सांगोल्याच्या समाजकारणात ते एक आदर्श व्यक्ती होते, सर्वसामान्यांच्या हितासाठी नेहमीच सहभागी राहिले, ज्यांचे राजकीय संलग्नतेतील नेत्यांशी जवळचे संबंध होते. एक लोकप्रिय नेते म्हणून त्यांचा जनसंपर्क ( जनसंपर्क) कार्यक्रम हा एक उल्लेखनीय नवोन्मेष होता आपल्या समाजासाठी दररोज चौदा ते अठरा तास काम करीत होते .सर्वसामान्य लोकांच्या कल्याणासाठी झटणाऱ्या नेत्याला सीबीएस न्युज कडून भावपूर्ण श्रद्धांजली …
