कुंभार बांधवांकडूनच गणेश मूर्ती खरेदी करण्याचे आवाहन
कुंभार बांधवांकडूनच गणेश मूर्ती खरेदी करण्याचे आवाहन
पन्हाळा प्रतिनिधी शंकर कुंभार- आगामी गणेशोत्सवाच्या पार्श्वभूमीवर कुंभार समाजातील कारागिरांनी प्रेमाने, कष्टाने व परंपरेने घडवलेल्या गणेश मूर्तींची खरेदी सर्व नागरिकांनी करावी, असे आवाहन करण्यात येत आहे. गेल्या अनेक पिढ्यांपासून कुंभार बांधवांनी गणेशमूर्ती घडविण्याची परंपरा जपली आहे. मातीच्या मूर्तींच्या माध्यमातून पर्यावरणपूरक व कलात्मक दर्शन घडवण्याचे कार्य ह्या कारागिरांकडून सातत्याने होत आहे.आमचा कुंभार समाजाचा असणारा हा पारंपारिक पिढी जात व्यवसाय बारा तिथी प्रत्येक सणाला
गावकऱ्यांना पुरवण्याचे काम हा आमचा समाज करत असतो काही समाजकंटक गणेश मूर्ती बाजारपेठेमध्ये विक्रीसाठी उपलब्ध करतात त्यामुळे आमच्या कुंभार मूर्ती कलाकार बांधवाने पारंपरिक पद्धतीने बनवलेल्या मूर्तींची मागणी कमी होत चालली आहे. या स्थितीत खऱ्या अर्थाने मेहनत घेऊन मूर्ती साकार करणाऱ्या कुंभार बांधवांचेउपजीविकेवर संकट कोसळले आहे.कुंभार समाजाच्या मेहनतीला व परंपरेला न्याय मिळावा यासाठी प्रत्येकाने स्थानिक कुंभार कारागिरांकडूनच गणेश मूर्ती खरेदी करणे आवश्यक आहे. यामुळे त्यांच्या हाताला काम मिळेल तसेच स्थानिक कुटुंबांचे आर्थिक चक्रही फिरू शकेल.यंदाच्या गणेशोत्सवात “घरचा गणपती – घरच्या कुंभाराकडूनच” हा संदेश प्रत्येक भक्तापर्यंत पोहोचवला जात आहे.कुंभार बांधवांच्या कष्टातून घडविलेल्या प्रत्येक मूर्तीमध्ये केवळ कलाच नाही तर त्यांची जीवनशैली, संस्कृती व परंपरेचे दर्शन घडते. त्यामुळे प्रत्येक भाविकाने या वर्षी आपल्या घरच्या बाप्पाची मूर्ती स्थानिक कुंभार कारागिरांकडूनच घेऊन त्यांना साथ द्यावी, असे आवाहन सामाजिक संघटनांकडूनही होत आहे.
🙏आपला गणपती – आपल्या कुंभार बांधवांकडूनच!
