3 वर्षाच्या मुलाची लैंगिक अत्याचार करून हत्या

पुणे : चाकणमध्ये शुक्रवारी एका तीन वर्षांच्या मुलाचा अश्लील चाळे करून खून करण्यात आल्याची घटना उघडकीस आली आहे. गुन्हा करून बिहारला पळून जाण्याच्या प्रयत्नात असलेल्या अल्पवयीन आरोपीला पुणे रेल्वे स्थानकातून पोलिसांनी पकडले.पोलिसांनी दिलेल्या माहितीनुसार, चाकण परिसरात राहणाऱ्या रोजंदारी कामगार असलेल्या पीडितेच्या आईने महाळुंगे पोलिस ठाण्यात फिर्याद दिली. तिच्या तक्रारीवरून अल्पवयीन मुलाविरुद्ध खुनाचा गुन्हा दाखल करण्यात आला आहे. पिंपरी चिंचवड गुन्हे शाखेच्या अधिकाऱ्याने सांगितले की, महिलेचा तीन वर्षांचा मुलगा बेपत्ता झाल्याची घटना शुक्रवारी दुपारी उघडकीस आली. त्यांच्या शेजारील एका खोलीत मुलाचा गळा चाकूने कापण्यात आला. त्यानंतर संशयिताचा शोध घेऊन पुणे रेल्वे स्थानकावर ताब्यात घेण्यात आले.