ऑल इंडिया सैनिक स्कूल परीक्षेत कु. राजवीर पाटीलचा देशात 45 वा, महाराष्ट्रात प्रथम क्रमांक
ऑल इंडिया सैनिक स्कूल परीक्षेत कु. राजवीर पाटीलचा देशात 45 वा, महाराष्ट्रात प्रथम क्रमांक
पन्हाळा प्रतिनिधी श्री शंकर कुंभार – संजिवनी मल्टीपर्पज फाउंडेशन बोरपाडळे ता . पन्हाळा संस्थापक अध्यक्ष आदरणीय डॉ. दीपक पाटील सर यांचे चिरंजीव कु. राजवीर दीपक पाटील याने ऑल इंडिया सैनिक स्कूल प्रवेश परीक्षेत देशपातळीवर अव्वल 45 वा क्रमांक पटकावून तसेच महाराष्ट्र राज्यात प्रथम क्रमांक मिळवून उल्लेखनीय यश संपादन केले आहे. या दैदिप्यमान कामगिरीमुळे पाटील कुटुंबासह संपूर्ण परिसरात आनंदाचे वातावरण निर्माण झाले आहे.अत्यंत परिश्रम, चिकाटी आणि जिद्दीच्या जोरावर राजवीरने हे यश मिळवले या यशामध्ये शिक्षक तसेच आई-वडील यांचे मोलाचे मार्गदर्शन मिळालेअसून त्याच्या या यशाबद्दल सर्व स्तरातून कौतुकाचा वर्षाव होत आहे. शैक्षणिक क्षेत्रातील मान्यवर, सामाजिक कार्यकर्ते, मित्रपरिवार तसेच विविध संघटनांकडून अभिनंदन व शुभेच्छांचा वर्षाव करण्यात येत आहे.राजवीरच्या पुढील शैक्षणिक वाटचालीसाठी सर्वांनी मनःपूर्वक शुभेच्छा व्यक्त केल्या आहेत.त्याच्या या यशामुळे इतर विद्यार्थ्यांसाठीही प्रेरणादायी उदाहरण निर्माण झाले असून भविष्यात तो देशसेवेत उल्लेखनीय कार्य करेल, असा विश्वास मान्यवरांनी व्यक्त केला आहे.
